Video
Read full review
2023-04-07
107 views
餐廳：Puppuccino (將軍澳)地址：將軍澳唐賢街29號Alto Residences地下6號舖唔知有養寵物嘅人有無留意，香港越來越多地方喺人寵共融，可以比主人帶埋自己心愛嘅寵物去玩吓行吓休息吓🐶將軍澳近年新開發嘅海濱長廊附近，有一間1月新開嘅寵物友善西式fusion餐廳🍴—— Puppuccino @puppuccino_hk，餐廳面積3000幾呎，分開咗室外同室內座位，同樣容許寵物一齊共餐😝。而餐廳地庫就仲裝修緊，喺一個7000幾呎嘅空間，當中將會開設寵物零售🦴、寵物美容🫧、寵物酒店🏨，同仿真度高嘅飄雪樂園❄️，預計今年5-6月投入服務，務求提供一個一站式人寵共融嘅空間，比奴才同主子喺度休閑寫意咁渡過返一整日🥰，之後仲可以去埋旁邊嘅海濱散步，老實講香港真喺唔多呢類型全方位Pet Friendly嘅空間😍唔好以為主打寵物方面嘅特色，食物方面就會馬虎，Puppuccino設計咗多款創意Fusion菜式，甚至連沙律菜都喺用餐廳入面自己種植嘅水耕菜🥬，睇啱邊款仲可以話比店員知，等廚師直接處理好整比你食🤓✝️廣東牛坑腩意大利煲仔飯 $168煲仔飯喺本地特色，意大利飯都成日食，意大利煲仔飯
地址：將軍澳唐賢街29號Alto Residences地下6號舖
唔知有養寵物嘅人有無留意，香港越來越多地方喺人寵共融，可以比主人帶埋自己心愛嘅寵物去玩吓行吓休息吓🐶
將軍澳近年新開發嘅海濱長廊附近，有一間1月新開嘅寵物友善西式fusion餐廳🍴—— Puppuccino @puppuccino_hk，餐廳面積3000幾呎，分開咗室外同室內座位，同樣容許寵物一齊共餐😝。而餐廳地庫就仲裝修緊，喺一個7000幾呎嘅空間，當中將會開設寵物零售🦴、寵物美容🫧、寵物酒店🏨，同仿真度高嘅飄雪樂園❄️，預計今年5-6月投入服務，務求提供一個一站式人寵共融嘅空間，比奴才同主子喺度休閑寫意咁渡過返一整日🥰，之後仲可以去埋旁邊嘅海濱散步，老實講香港真喺唔多呢類型全方位Pet Friendly嘅空間😍
唔好以為主打寵物方面嘅特色，食物方面就會馬虎，Puppuccino設計咗多款創意Fusion菜式，甚至連沙律菜都喺用餐廳入面自己種植嘅水耕菜🥬，睇啱邊款仲可以話比店員知，等廚師直接處理好整比你食🤓
✝️廣東牛坑腩意大利煲仔飯 $168
煲仔飯喺本地特色，意大利飯都成日食，意大利煲仔飯唔知你又試過未😜？炆得入味軟腍、份量又多嘅牛坑腩同牛筋，牛筋充滿骨膠原，入口爽嫩；用牛腩汁去燴意大利飯，
有港式口味，同時充滿意大利飯嘅口感，放埋喺煲仔裡面就更加保溫同埋令食材更入味，絕對推介你一試，包你食過返尋味👍
✝️招牌海鹽黑椒烤雞(半隻) $168
呢個招牌烤雞🐓，基本上每一枱都叫嚟食🤩，金黃皮脆、肉質極之鮮嫩多汁嘅烤雞，
入口相當Juicy惹味，烤焗嘅火候同時間掌握得啱啱好🔥，餐廳特製咗10款醬汁比客人任揀，今次就揀咗西班牙燒紅椒醬同秘製黑椒汁，加上海鹽同黑椒香🧂，呢個鹹香烤雞真喺無得輸👏
✝️自選沙律組合
餐廳啲水耕菜咁吸引，緊喺砌返份自選沙律🥗，揀咗羅馬生菜($48)、煙三文魚($48)、蕃茄($18)配意大利黑醋。水耕菜100%純正無添加無污染，羅馬生菜食落特別爽脆新鮮🥬，
煙三文魚仲有4大塊🤠今次帶埋主人MoMo一齊去，叫咗個5cm風乾薄餅($38)同Puppuccino($48)比佢食，
前者有3塊，喺用咗雞肉、三色燈籠椒🫑、秋葵、藍莓🫐、紫薯同白芝麻去整；
後者就喺南瓜無乳糖牛奶，見住MoMo不停舔啲泡泡真喺好治癒🐱，
我都忍唔住叫返杯Cappuccino($48)同Latte($48)嚟飲☕️
Post
