Video
Read full review
2020-02-01
1826 views
有朋友生日想食西餐, 四行人為左方便大家收工後參加, 所以就決定係尖沙咀搵食。地點: 係金馬倫道賣衫Initial對面嘅商業大廈, 扶手電梯上一層轉左就到, 十分方便。環境: 比想像中細同窄, 不過裝修好靚, 樓底都高。 餐廳一邊係大玻璃望街景, 再配合深色木枱同吊燈，感覺係高檔嘅。食物: 佢有兩款四人餐, 我地四個人啱啱好。兩款都係一樣包一個沙律, 一個意粉, 一個飯, 甜品同飲品。唯一嘅分別就係主菜, 一款係1.2kg嘅重量級牛扒，另一款就燒烤拼盤。沙律大碟菜又新鮮，不過就係menu寫嘅香前煎三文魚而係煙燻，但整體沙律係好食龍蝦肉意大利飯龍蝦肉唔算多, 但個汁好濃好好食！比平時嘅意大利飯較為濕身, 基於個汁好食所以我地完全唔介意。香蒜乾茄蓉辣椒扁意粉初初見到有點失望，因為感覺好齋。但食落有驚喜！少少辣相當惹味，意粉口感煙韌，最重要係乾蕃茄係超級好味，成個意粉係越食越停唔到口燒烤拼盤有一隻燒春雞，一塊安格西冷牛扒同熟芝士豬肉蛇餅腸。 睇落靚靚仔仔又多野食，但味道就無之前嘅飯同意粉咁出色了。燒春雞比較嚡口，但香草醃料係不錯的。 西冷牛扒都係嚡口，不過應該係我地叫七成熟嘅問題，因為有朋友
地點: 係金馬倫道賣衫Initial對面嘅商業大廈, 扶手電梯上一層轉左就到, 十分方便。
環境: 比想像中細同窄, 不過裝修好靚, 樓底都高。 餐廳一邊係大玻璃望街景, 再配合深色木枱同吊燈，感覺係高檔嘅。
食物: 佢有兩款四人餐, 我地四個人啱啱好。兩款都係一樣包一個沙律, 一個意粉, 一個飯, 甜品同飲品。唯一嘅分別就係主菜, 一款係1.2kg嘅重量級牛扒，另一款就燒烤拼盤。
沙律大碟菜又新鮮，不過就係menu寫嘅香前煎三文魚而係煙燻，但整體沙律係好食
龍蝦肉意大利飯
龍蝦肉唔算多, 但個汁好濃好好食！比平時嘅意大利飯較為濕身, 基於個汁好食所以我地完全唔介意。
香蒜乾茄蓉辣椒扁意粉
初初見到有點失望，因為感覺好齋。但食落有驚喜！少少辣相當惹味，意粉口感煙韌，最重要係乾蕃茄係超級好味，成個意粉係越食越停唔到口
燒烤拼盤
有一隻燒春雞，一塊安格西冷牛扒同熟芝士豬肉蛇餅腸。 睇落靚靚仔仔又多野食，但味道就無之前嘅飯同意粉咁出色了。燒春雞比較嚡口，但香草醃料係不錯的。 西冷牛扒都係嚡口，不過應該係我地叫七成熟嘅問題，因為有朋友不能吃太生嘅牛。豬肉腸就不過不失，芝士香口，豬肉腸就偏鹹，好想啤啤佢
甜品
本來套餐係包火焰雪山，但由於有人生日，餐廳轉左做甜品拼盤俾我地，仲畫左好靚嘅公仔添呀！ 一次可以試好多甜品，焦糖燉蛋係最好食
服務
OpenRice網上訂座寫左係慶祝生日，餐廳好細心當日打尼詢問生日主人翁嘅各字。不過就無講會俾甜品拼盤嘅。用餐服務都不錯，美中不足就無問我地想要火焰雪山定甜品拼盤，因為原來壽星女係好想食火焰雪山
價錢
呢個四人餐正常就$1588，有恒生信用卡就有優惠價$1188, 有咁多野食尼講都算幾抵。
Post
