烤焗工房

Open Now

Now Closed

呢幾日係附近返工，lunch 走去旺角中心行，中學時期放學好鍾意嚟呢度行街，都有10年冇嚟過，好記得以前3樓係有餐廳食雪糕，依家唔同晒，一樓及二樓很多餐廳，雪糕薯條餃子四川野麻辣嘢台式嘢飲，乜都有，真係唔知食邊樣好，太多選擇，選擇困難症又出嚟啦😂。旺角中心依然人山人海，好多人聚集。喺2樓嘅位置，仲可以有天橋直接行去t.o.p商場，天橋有班人聚集，全部都係食嘢，場面真係好熱鬧。之後見到呢間小店門口特別多人等，所以買以下呢款小食：安格斯牛柳粒 $26味道唔錯，少少咸，唔會太油膩，但肉質未能拿捏得好好，肉身有軟有硬，但係價錢平平哋，所以唔可以期望有高嘅質素，不過收銀員態度麻麻。而新之城都有兩三間餐廳買嘢食，相反就冇旺角中心咁多人。