金坊泰國美食

Open Now

Now Closed

最近心血來潮想食泰國嘢，所以喺OpenRice搵。搵到呢間泰國餐廳喺寶琳新都城，去到門口見到入面好多人好墟冚。個裝修就唔算新，但座位有好多，個場超大。叫咗冬蔭功扎肉豬頸肉金邊粉，一望落去個湯好似好淡，但係原來係好好食㗎！好有驚喜！啲扎肉同其他舖頭食到嘅好唔同😀而豬頸肉都好嫩，個金邊粉唔硬，有少少傾向係河粉質地，成碗麵我覺得非常驚喜👍🏻👍🏻另外，本身叫熱泰奶茶，不過阿姐話只有凍泰奶茶，就叫咗凍。杯奶茶都幾好飲。