蘭香茶餐廳 (Moved) New Location

六點幾,嘉樂仍有條小隊。但我今次目標是蘭香,早關門冰室類,要early dinner喇。家庭式經營,應該是「太子爺」既侍應,當人客們都是自己人咁,總之友善款待啦!和老公吃了一個特餐,和咖哩鮮牛炒米。特餐:餐肉通粉,餐肉薄薄,煎得ok脆。湯色澤看似濃郁秘製,點知味道平平。火腿奄列,仍有少許蛋汁。油多士好正!即烘的熱力,使牛油溶化,混為一體。奶茶送來,捷榮?睇茶色,唔係咁對板,淺淺白色。味道就如buffet自己沖的英式奶茶咁,唔好飲。咖哩炒米,用鑊仔上,份量都幾多。牛肉略韌,份量少。另外少少芽菜和洋蔥絲,真係幾齋,如果唔落咖哩汁,同食星洲炒米的米粉底一樣。「太子爺」說加左咖哩汁好食d。個咖哩汁,有薯仔粒粒渣滓, 都幾好食,中辣度,食完,胃有點不適應。