華香雞 (Closed)

我係海濱嘅街坊，平時都無乜點留意依間餐廳，但今日經過依間餐廳俾佢好濃烈嘅雞香果吸引左。一入到間餐廳，拎起menu 見到有好多唔同種類烹調嘅雞。當睇到好疑惑唔知揀咩好個時，有個伙記好熱情同我介紹唔同雞有咩特別同埋傾左陣計關於華香雞嘅故事。原來依間鋪頭已經有差唔多三十年嘅歴史，係全盛時期差唔多有十幾間分店，不過可惜因為金融海嘯影響宜家已經得番一間。最後我揀左食茶香雞黃薑飯同加左個老火湯茶香雞個感覺同食油雞差唔多，不過有陣淡淡茶葉蛋嘅茶香味。隻雞唔油同好香口，都幾好食，不過口感有少少粗。至於黃薑飯，好似海南雞油飯咁好香。成碟茶雞飯40$都算幾好食。個日嘅老火湯係菜乾南北杏雞腳湯，好好味而且無乜味精，好有住家嘅感覺，強烈推介。雖然依間鋪頭幾好食，但好似仲係新開張階段，飲品選擇唔多。不過我都幾推介海濱人食依間餐廳