Maki拉麵 (Moved) New Location

係油麻地內街有間出名煲仔飯嘅隔離，原來有間咁充滿人情味嘅拉麵店☺️門面以紅色為主題入到去到處都有唔同佈置同旗仔，好日本風入到去廚師（好似係老闆娘）就出黎好親切咁招待我，我想試聞名嘅藍色湯底，原來已經係上期嘅期間限定了，於是佢就問我食唔食辣，咁岩我係好辣之人，所以毫無懸念就揀左櫻花蝦辛辣拉麵🍜佢張紙仔都好環保，2碗寫落一張紙就得等左無耐好快就有得食😍成球櫻花蝦我都係第一次試，一咬落係香脆可口，估唔到炸埋一舊嘅蝦係咁濃烈同香口，就算浸喺湯入邊都唔會減少佢嘅脆口度。湯底望落鮮艷其實只係少少辣，味道濃郁而唔會死咸，拉麵都掛汁，成碗都好滿意後來廚師仲拎埋玉子燒比我，我話我無叫，佢好客氣咁講我整左唔好曬，你要啦，結果我都唔好意思推塘，食左啖好溫暖，咸咸甜甜的，唔係現成戈D，仲有香蔥調味後來我發現佢每台都會送小食，好多黎幫襯嘅都似係回頭客，因為同老闆娘有講有笑，我都明白點解佢地會翻黎幫襯！最後仲有叫魔鬼燒魚翅乾，想講，非常推介！！！不同於常見嘅雞泡魚乾，佢真係非常脆身同入味，唔點醬都食到海嘅味道，鐘意魚乾嘅真係必試，呢個小食我真係讚不絕口總括來說，一間店除左食物質素之外，人情味都係依家買少見少嘅野啦，