Video
Read full review
2019-09-24
587 views
今日係第二、三次去漁樂食野，因為太滋味所以即日encore。1點路過老闆仲開緊鋪，所以行多一陣先返轉頭食。第一餐叫左墨魚，鱭魚，赤米蝦，蠔，魚湯，仲有個冬瓜麥茶，由於掛住食，所以唔記得影相。全部炸物都唔厚粉，而且唔油膩，老闆手勢好好。墨魚鮮嫰多汁，又帶d咬口（但第一次食較厚身，可能部位不同）；鱭魚炸得通透可以連骨食，又唔腥，我本身唔鍾意食魚都食左唔少（上次係池魚）；赤米蝦可以連殼食，蝦味濃，但係時令只有幾個禮拜有得食（上次黎都無得食）；炸蠔軟熟，出面食既蠔較實的的（但上次食會有爆漿既口感，可能今次人太多老左少少，但依然好味過其他地方）；魚湯香濃唔腥，有紫菜提鮮，可能因為每次只煮少量既魚湯，避免放太耐而有腥味；冬瓜麥茶能兼顧冬瓜茶的甜味及麥茶既濃郁，但媽媽覺得稍甜，我覺得有7分甜。除左主角炸物，配菜既酸瓜同提子都好清爽，而且墊底椰菜絲可以撈埋沙律醬食，可以帶走炸物既熱氣感。可以沒有客人點餐時，老闆會出黎同客人傾計，老闆好健談，仲請我飲多兩杯冰茶，唔駛食其他野都飽晒。食完第一餐之後，老婆話唔夠喉，我就話不如行完街再返去食多次。一入到去老闆已經認得我朝早黎過，即刻倒左杯啤酒俾我，雖然我唔多飲
1點路過老闆仲開緊鋪，所以行多一陣先返轉頭食。第一餐叫左墨魚，鱭魚，赤米蝦，蠔，魚湯，仲有個冬瓜麥茶，由於掛住食，所以唔記得影相。全部炸物都唔厚粉，而且唔油膩，老闆手勢好好。墨魚鮮嫰多汁，又帶d咬口（但第一次食較厚身，可能部位不同）；鱭魚炸得通透可以連骨食，又唔腥，我本身唔鍾意食魚都食左唔少（上次係池魚）；赤米蝦可以連殼食，蝦味濃，但係時令只有幾個禮拜有得食（上次黎都無得食）；炸蠔軟熟，出面食既蠔較實的的（但上次食會有爆漿既口感，可能今次人太多老左少少，但依然好味過其他地方）；魚湯香濃唔腥，有紫菜提鮮，可能因為每次只煮少量既魚湯，避免放太耐而有腥味；冬瓜麥茶能兼顧冬瓜茶的甜味及麥茶既濃郁，但媽媽覺得稍甜，我覺得有7分甜。除左主角炸物，配菜既酸瓜同提子都好清爽，而且墊底椰菜絲可以撈埋沙律醬食，可以帶走炸物既熱氣感。可以沒有客人點餐時，老闆會出黎同客人傾計，老闆好健談，仲請我飲多兩杯冰茶，唔駛食其他野都飽晒。
食完第一餐之後，老婆話唔夠喉，我就話不如行完街再返去食多次。一入到去老闆已經認得我朝早黎過，即刻倒左杯啤酒俾我，雖然我唔多飲酒，但老闆盛情難卻。 今次叫左墨魚，鱭魚，赤米蝦同魚湯。今次有墨魚頭，而且與第一次食時一樣厚身，相當有咬口，真係食過返尋味；
鱭魚不及中午食鮮味 ，但依然沒有腥味，我都再食左幾條（始終中午貨到剛處理好，一定最好食）；
赤米蝦中午食較鮮，黃昏時蝦味反而較濃；魚湯則保持水準。
期間老闆再次幫我把啤酒倒滿，但一口啤酒一口海鮮，會令人想繼續食落去，臨走前老闆再倒了一杯麥茶，老闆真的太熱情。
如果你係追求食物質素，呢度絕對符合要求，性價比超班，雖然依家變左立食，但係依然無阻一眾識食之人。
最後老闆提示，赤米蝦只有約莫一個禮拜可以食到，想食就要把握機會。
Post
