孖寶 (Closed)

呢間餐廳，其實我嚟過幾次，今日收工臨時同同事約食飯，所以不加思索就嚟咗呢度。餐廳其實唔算大，但位置方便泊車。因為食過好多次，叫你叫佢都係自己食開嗰啲，今次就問職員有冇推介，佢強推margherita pizza。我本身聽到冇特別興趣，但問得就即管試吓。雖然呢個Pizza冇肉，但真係好食到原始傳統嘅Pizza，芝士味好濃，成個配搭都好惹味。小食叫咗個烤蜜糖雞翼，啲蜜糖拉絲㗎，甜甜地好好味。我哋另外仲叫咗個西班牙黑毛豬架，好大塊！肉質夠嫩夠juicy！因為喺邊一set，所以包咗一個金筍包、南瓜湯同埋嘢飲，我哋揀咗杯桂圓紅棗茶，雖然係茶包，但係都好濃郁，有意外驚喜。