Owens (砵蘭街)

Open Now

Now Closed

是夜與朋友慶祝生日及聚舊，選擇了呢間熱門好評的太子cafe。雖然已訂座，但來到時仍需稍等一會，但店員服務週到，在未入座前盡量安排座位，邊坐邊歎住冷氣睇menu先。先嚐一款小食 - 薯條三兄弟，香脆可口的薯條一向都老少咸宜，三兄弟代表咩？其實係代表3款味道的醬汁：芥末醬、松露醬、明太子醬，大愛明太子醬，齒頰留香，讚。店員仲問要唔要埋四兄弟，原來係指茄汁，哈哈！主菜方面，我哋點咗3道菜。法式牛肝菌軟殼蟹意大利飯的分量比想像中多，尤其是軟殼蟹，大大隻，share住食都好開心；北海道帶子墨魚汁意大利粉，估唔到表面光滑的意粉都幾掛汁，加上帶子亦都係大大粒，滋味非常，好抵食；最後紐西蘭頂級肉眼牛扒，肉厚又夠juicy，唔使沾旁邊的燒肉汁都已經好正，值得推介。因為朋友生日，餐廳話喺甜品上面可以有生日牌，以及朱古力寫字，其實咁樣已經覺得餐廳好好，點知餐廳突然送上一道甜品，話係餐廳送的，好感動呀，感謝餐廳的小心意。