Video
Read full review
2022-01-13
1626 views
冬天最好就係暖笠笠食餃子🥰所以今次我哋嚟到位於屯門嘅一間餃子專門店，店舖喺輕鐵兆禧站附近，所以好方便就可以嚟到我哋兩個人叫咗五款口味，總共30隻餃子，份量好多，每隻餃子都包到脹卜卜，啖啖肉，皮薄餡靚每隻餃子成半隻手掌咁大，要分兩餐食先食得晒😅咁嘅價錢，有咁嘅質素同埋份量，真係好抵👍湯餃方面，我哋叫咗椰菜鮮肉餃同埋紫菜鮮肉餃值得一讚嘅係佢用嘅湯底係自家熬製嘅椰子豬骨雞湯，不含味精，飲落有淡淡椰子嘅清香，亦有雞嘅咸鮮味，真係好養生😍紫菜鮮肉餃每一啖都食到好多好多紫菜，真係第一次見，超級滿足兩款餃都係啖啖肉，仲要係靚豬肉，唔會食到啖啖肥膏煎餃方面，我哋就叫咗芝士粟米豬肉餃、泡菜豬肉餃同埋咖喱豬肉餃所有煎餃都比較乾身，唔會好油膩芝士粟米豬肉餃真係值得一讚😍 我哋雖然擺咗30分鐘先食，但係仍然一咬落去就爆曬汁，咬開有芝士拉絲，又有粟米中和芝士嘅膩，真係好好食 😋泡菜豬肉餃食到香濃泡菜味，但唔會太辣，啱晒鍾意食泡菜但唔食得辣嘅朋友😍咖喱豬肉餃好香咖喱味，餐廳好足料，落咗好多咖喱香料，香口而不辣如果鍾意食辣嘅朋友，餐廳有辣嘅菜甫賣好香口，又唔會太咸，不過有辣椒籽，所以都幾辣下😅餐廳只設外賣，亦都有賣
所以今次我哋嚟到位於屯門嘅一間餃子專門店，店舖喺輕鐵兆禧站附近，所以好方便就可以嚟到
我哋兩個人叫咗五款口味，總共30隻餃子，份量好多，每隻餃子都包到脹卜卜，啖啖肉，皮薄餡靚
每隻餃子成半隻手掌咁大，要分兩餐食先食得晒😅
咁嘅價錢，有咁嘅質素同埋份量，真係好抵👍
湯餃方面，我哋叫咗椰菜鮮肉餃同埋紫菜鮮肉餃
值得一讚嘅係佢用嘅湯底係自家熬製嘅椰子豬骨雞湯，不含味精，飲落有淡淡椰子嘅清香，亦有雞嘅咸鮮味，真係好養生😍
紫菜鮮肉餃每一啖都食到好多好多紫菜，
真係第一次見，超級滿足
兩款餃都係啖啖肉，仲要係靚豬肉，唔會食到啖啖肥膏
煎餃方面，我哋就叫咗芝士粟米豬肉餃、泡菜豬肉餃同埋咖喱豬肉餃
所有煎餃都比較乾身，唔會好油膩
芝士粟米豬肉餃真係值得一讚😍 我哋雖然擺咗30分鐘先食，但係仍然一咬落去就爆曬汁，咬開有芝士拉絲，又有粟米中和芝士嘅膩，真係好好食 😋
泡菜豬肉餃食到香濃泡菜味，但唔會太辣，啱晒鍾意食泡菜但唔食得辣嘅朋友😍
咖喱豬肉餃好香咖喱味，餐廳好足料，落咗好多咖喱香料，香口而不辣
如果鍾意食辣嘅朋友，餐廳有辣嘅菜甫賣
好香口，又唔會太咸，不過有辣椒籽，所以都幾辣下😅
餐廳只設外賣，亦都有賣生餃，方便大家冬天打邊爐😍
老闆好好人，好有禮貌👍
住屯門嘅朋友快啲過嚟試吓啦😍
Post
