咖啡賞館

Open Now

Now Closed

而家好似培養左放假去cafe hea下嘅習慣，而香港不同類型嘅cafe都愈開愈多，心中有個cafe list要慢慢試晒佢地！今次試下呢間browny,唔熟荃灣嘅朋友仔搵佢真係要花啲時間啊！去到發現原來有三間cafe連住！佢係最角落嘅，相對上細間啲！鋪頭入面就得幾個bar檯位，鋪外嘅位相對多。好好彩地唔洗等就有位！叫左最愛嘅cappuccino！再見到佢啲cake個樣唔錯，叫左個培茶芝麻蛋糕。cappuccino好快就黎左喇，咖啡味道香濃幼滑。之後個cake都黎埋，覺得芝麻味有啲太搶，佢日日蛋糕嘅味道都唔同，下次想試下個桂花蛋糕！坐坐下，發現出面檯檯都食煙，鋪內一有位即刻入番去。坐bar檯雖然講唔到密計，不過正正同鋪頭職員好近可以學下咖啡小知識！咁岩有個客人試緊新咖啡，仲分享左比我地試下，就係中意呢份小店先有嘅人情味同人與人之間嘅溝通！