蘭州拉麵店 (Closed)

放工後，累到隻狗咁! 又未食飯，只想簡簡單單食d 好食既野。一落車，就想起這間小店，沒有花巧的宣傳，十年都一樣的菜單，連伙記也是熟識的臉孔。坐底後，我都係叫返食十次都唔厭的水餃刀削麵。不過，醉翁之意不在餸，其實係想襯返佢個麻辣蒜。這裡的麻辣好得意，通常是分開上，濃濃的醬配以生蒜，喜歡食蒜既人真唔可以錯過。不過，我試過有次食完後返工，那股生蒜味，大到俾老細叫我刷牙。另外，不得不題係d 麵，師傅雖後生，不過全日手冇停地削麵，拉麵；勤勤力力地做、做、做，做出軟硬適中，吸滿湯既麵。簡簡單單又正的一餐，為忙碌的一日劃上句號。