Greyhound Café (新城市廣場) (Closed)

1. 食物質素 good，好味有驚喜，但部份定價過高。鮮蝦炒金邊粉$128 ：呢個價錢份量太少了，得四隻蝦，少少粉，再多三份之一就差不多。味道正常，略嫌唔夠熱。泰式香燒原隻魷魚筒$98 ：好味新鮮又大隻，燒得夠香，又唔會韌，外皮乾身，內裡 juicy , 點埋辣汁仲正，必食之選。泰式燒牛肉沙律$158 ： 價格有點搶錢，無奈又好想食，有錢就是任性。好彩味道係唔錯的，牛肉唔會鞋颯颯，沙律新鮮好味。而且牛肉多過沙律，都值回少少票價。2. 服務冇乜，好難先揾到人俾 menu / 落單 / 加水，每次都需要沿途攔截。隔離枱走左好耐都冇人清理，都啱嘅，橫掂做唔切最好做少幾個客。見到人手係唔夠的，個個侍應都已經快手快腳。雖深表同情，但無奈侍應小姐會對客會黑面，亦只好俾低分，希望餐廳可以改善。3. 上菜次序完全亂晒，先上炒金邊粉，再隔一陣就魷魚，最後先係燒牛肉沙律.........4. 本來想食埋甜品加飲野，但見個雪櫃啲蛋糕好似擺咗好耐咁，加上侍應又咁忙，都係轉場算了。