晉皇山西刀削麵館

Open Now

Now Closed

除左米線，刀削麵係第二喜愛麵條。今日係維園打完藍球後，去左天后呢間新開既晉皇山西刀削麵館。門口望一望餐牌，發現一碗大約$50，價錢可以接受。裝潢無咩特別，座位幾多，每位客人有一定空間感，唔會感覺擁迫。餐廳除左湯麵亦有提供冷刀削麵同熱拌刀削麵，餸既選擇亦算多。從座位可以見到師傅即時製作刀削麵既英姿😍。好多餐廳用機器削，不過用人手削先係皇道。女友叫左蒜泥豬頸肉上海雲吞刀削湯麵。份量非常多，刀削麵入口煙韌。雲吞係自家製，雲吞皮相當薄，餡料新鮮。豬頸肉切得比較薄，煎完特別香脆。不過蒜泥同豬頸肉唔太夾。我就叫上海雲吞東坡肉熱拌刀削麵，醬汁酸酸辣辣，東玻肉幾大件，肉質軟稔，肥瘦適中。刀削麵同樣煙韌，充滿筋道。另外叫左麻辣魚腐。魚腐索曬啲汁，認真出色。由於對我嚟講熱拌刀削麵幾辣，所以自己叫左兩杯凍豆漿，一杯只係加$6。