Video
Read full review
2021-01-10
465 views
❀ Baked #中環 ❀❗️人氣中東風味 心目中最出色嘅sourdough❗️——————————————————每次行過蘇豪區，呢間小店嘅門外都不乏長龍，大家都係為咗佢嘅出色sourdough慕名而來，而我亦係第四次再訪😆大部份Cafe 嘅sourdough 都只係配上牛油果、poached egg、煙三文魚等等，但呢度嘅大廚來自中東，所以款式都富有中東風味，創新得來極得人喜愛，而且極大份，非常滿足💖！.✷𝑀𝑒𝓃𝓊✷最近佢哋轉左新Menu，保留左以往熱賣嘅味道 e.g. Beulah, Big Boss, Bakoven，再加入新嘅菜式，今次試嘅兩款都係新口味✨。除咗sourdough之外，佢哋仲有wrap、brochie bun，餐牌上雖然冇寫明可以轉換，但同店員講就可以，隨你喜歡，自己覺得各有特色。🥖Sourdough：外脆內韌，都幾有咬口，有淡淡酸味，咬得多會有少少牙軟，但用嚟點去啲醬汁真係幾正！🌯Wrap：一層薄衣咁，係比較腍，偏向似係西式健康wrap嗰種皮，而非kebab較為硬身嗰種，但我自己都幾鍾意，尤其係包Beulah！🍔Brochie：呢個就好似漢堡包，但更加鬆軟，重空
❗️人氣中東風味 心目中最出色嘅sourdough❗️
——————————————————
每次行過蘇豪區，呢間小店嘅門外都不乏長龍，大家都係為咗佢嘅出色sourdough慕名而來，而我亦係第四次再訪😆大部份Cafe 嘅sourdough 都只係配上牛油果、poached egg、煙三文魚等等，但呢度嘅大廚來自中東，所以款式都富有中東風味，創新得來極得人喜愛，而且極大份，非常滿足💖！
.
✷𝑀𝑒𝓃𝓊✷
最近佢哋轉左新Menu，保留左以往熱賣嘅味道 e.g. Beulah, Big Boss, Bakoven，再加入新嘅菜式，今次試嘅兩款都係新口味✨。
除咗sourdough之外，佢哋仲有wrap、brochie bun，餐牌上雖然冇寫明可以轉換，但同店員講就可以，隨你喜歡，自己覺得各有特色。
🥖Sourdough：外脆內韌，都幾有咬口，有淡淡酸味，咬得多會有少少牙軟，但用嚟點去啲醬汁真係幾正！
🌯Wrap：一層薄衣咁，係比較腍，偏向似係西式健康wrap嗰種皮，而非kebab較為硬身嗰種，但我自己都幾鍾意，尤其係包Beulah！
🍔Brochie：呢個就好似漢堡包，但更加鬆軟，重空氣感，而且牛油味嘅香嗰種，表面仲有啲香口嘅黑芝麻。
今次我試咗呢兩款就依照返去本身嘅設定，冇轉到任何麵包嘅款式。
.
☞ Gravy Train $130 (4.1/5)
大膽用上雞肝，約有四五舊，潤味都幾重，我自己本身都鍾意食肝，所以ok！
不過佢個醬汁就冇乜潤味，即使唔鍾意肝都會接受到。主要係peri peri sauce，係種非洲常用嘅辣椒醬，內加入左蒜頭香草等等，香口、酸酸辣辣，幾惹味㗎😆不過個辣度都幾強，唔食得辣嘅就未必接受到🌶🌶🌶。
留意呢款sourdough嘅presentation比較特別，廚師會將佢設成四個長方體，再搽上蒜蓉牛油，然後煎香🍳所以表面會再香脆啲，亦會富有牛油嘅香氣，但sourdough本身嘅酸味就會冇咁出，用嚟點嗰個醬汁就啱晒！
然後再加左隻poached egg🥚感覺有啲似改良版嘅非洲shakshuka，主要係用啲麵包去點醬咁食。
Gravy Train
$130
153 views
1 likes
0 comments
Gravy Train
$130
29 views
0 likes
0 comments
.
☞ OG $180 (4.1/5)
呢個就好似中東版本嘅漢堡包咁🍔！
用上富有芝麻牛油香氣嘅brochie bun，漢堡扒有成200gram🤩而且富有中東香料味道，口感就有啲似肉丸，唔係好實好Juicy嗰種，但就好香口。
夾住我極之鍾意嘅caramelised onion、芝士、蕃茄、baby spinach，同畫龍點睛嘅中東蒜頭牛油醬🥰成個漢堡包貌似同一般嘅差唔多，但味道獨特，幾惹味！
OG
$180
196 views
0 likes
0 comments
OG
$180
165 views
0 likes
0 comments
——————————————————
✨整體味道: 4.3/5
✨環境裝修: 3.8/5
✨服務態度: 3.8/5
✨性價比: 4/5
✨再訪興趣: 4.8/5
.
💞整體來講
真係好鍾意呢一間餐廳嘅食物，係會有種令人想不斷再食嘅魔力🥰今次呢兩款新菜式感覺係將其他國家嘅菜式融合咗啲中東味道入去，冇之前嗰啲咁原創，但味道依然好香口惹味！而且份量真係好大，男仔食都會好滿足😚。
.
My Ranking (主要食材)
🥇Bakoven (雞)
🥈Beulah (wrap/ sourdough) (中東式炒蛋)
🥉Big Boss (牛)
🎖OG (漢堡包)
🎖Gravy Train (sourdough點醬, 有啲似非洲蛋 shakshuka)
其實真係五款都好食🤪不過no. 1, 3就會更加啱肉食獸(aka me)，no. 2就蛋控一定要試，no.4 就啱晒鍾意漢堡包嘅你，而no.5 就只係有少少雞肝，主要係點醬。
Post
