火鍋撚 (雲明行)

Open Now

Now Closed

📍火鍋撚 🔍中環雲咸街46-48號雲明行3樓-----唔經唔覺呢間兵馬俑主題嘅港式火鍋店係香港都開咗好多年，諗住無咗新鮮感，宜家應該無以前咁多人，點知星期五去到，發現人氣更勝從前，好彩有提早預約。次次黎都係叫佢地嘅蜂巢豆腐白湯鍋，一如既往地高質，每次飲都有感動感覺，未洽野已經忍唔住飲咗半兜湯，入口奶滑奶滑的，帶豬骨嘅肉脂香，加埋索汁嘅蜂巢豆腐同柔嫩鴨血，基本上試過呢個之後，都無再試過其他湯底，因為每次黎都太想叫呢個。🥢極品黑豚肉 黑豚肉油脂恰到好處，肉味突出。🥢流心鹹蛋黄豬肉丸 豬肉丸質感爽滑，加埋流心鹹蛋黃，幾有趣。🥢黑松露墨魚滑 墨魚滑非常彈牙，黑松露味濃郁，不錯。🥢順德魚腐 魚腐Q彈有勁，新鮮炸起熱辣辣，可以即食亦可以洽煮之後再食，配搭咕嚕汁，酸甜開胃。🥢四寶餃餃拼盆 當中個人最鍾意係魚皮餃，魚皮富彈性，肉餡緊實。🥢鮮甜桂花蚌 味如其名，鮮甜白嫩，入口滑溜滑溜的。🥢日本特級帆立貝入口鮮甜湧現，個人覺得煮熟後味道更佳。最後附上的甜品依然是他們的經典腐竹糖水，冰涼順滑，低甜濃郁，味道依然。