天天海南雞飯 (ELEMENTS圓方)

Open Now

Now Closed

臨近聖誕節，早早已經感受到聖誕氣息，今日係elements食天天海南雞飯，門口大大棵聖誕樹，好有feel!呢到主打新加坡菜式，由四位唔同品牌既始創人一齊加入，同一個地方一次過食到唔同既新加坡美食！先係呢個椰奶咖啡，唔知大家有無食過新年禮盒個啲椰絲，呢到正正有個隻椰絲味，好香口好正！雙拼海南雞同燒雞，肉質勁嫩滑，特別係燒雞好出色外皮卜卜脆，仲有三款唔同既醬汁任君選擇，味道非常豐富黃咖哩牛面肉，咖哩夠杰身唔會溝左好多水，椰奶味好足，至於牛面肉原來都好夾咖哩，勁軟稔差唔多無牙都食到！好多人都知道新加坡出名胡椒蟹，呢到有黑胡椒蟹肉粉絲煲，一出枱勁驚喜，成煲打開都係蟹肉，全部都拆晒肉食起上黎好方便，而且勁濃黑椒味，特別係啲粉絲索晒啲汁，真係未食過咁濃郁既黑胡椒粉絲，強烈推薦！！