風雲丸

Open Now

Now Closed

好耐無食沾麵，有時都會去下尖沙咀呢間日本過江龍沾麵店，佢個濃厚湯底幾岩我口味，而且店內裝飾充滿日本風。個麵重可選冷麵或溫麵，份量又有分並盛200g、大盛300g-Free、特盛400g +$5、富士山盛800g +$45，夠晒貼心。.豚骨魚介味玉沾麵 $98一場來到當然要點餐廳招牌沾麵啦！叉燒份量十足，肉質肥美。湯底偏向濃味，加上用石鍋裝住，d湯都保持住熱辣辣，真係好啱冬天食。而個麵口感亦好彈牙，沾上湯汁幾惹味；味玉流心，熟度剛好。.辛肉爆彈野菜豚骨魚介沾麵 $108呢個好岩愛辣之人，辛肉爆彈其實係用豬肉、辣椒粉及山椒製成，食落個辣味好惹味，個湯底好濃配上彈牙沾麵真係不錯。