I Love You Dessert Bar (Closed)

星期六同女朋友去旺角悠悠閒逛下食下野。晚上途經依間人氣米芝蓮甜品店，牆上貼著的相片及餐牌食物都十分吸引我地依兩個超級甜品控。餐廳甜品主要有沙冰及多款口味的班戟。最欣賞小店對製作甜品的熱誠及誠意！全部都是即點即製，需時製作。但儘管如此，還是很多棒場客，乖乖的耐心等候。-❤️士多啤梨藍莓雪花冰 $59夏天來一杯冰凍甜品，真係可以滿足一下味覺外，又可以超級消暑。冰凍雪花冰入口融化有種夢幻感覺，配上酸甜草莓醬汁，及新鮮藍莓、草莓🍓，味道清新。還有香滑雲呢拿雪糕，口感豐富。-❤️日本水蜜桃🍑梳乎厘班戟$69班戟有多款口味選擇，芒果、抹茶、榛子等等都係我至愛，心大心細的女友最後選擇了期間限定的日本水蜜桃班戟！ 鮮水蜜桃很清甜、班戟熱辣辣軟熟蛋味香，配上雲呢拿雪糕，冷熱交融，味道有層次。