灜鐵板燒

Open Now

Now Closed

一入到去已座無虛席，但冇我想像中咁大油煙味，睇嚟餐廳抽風系統做得幾好👍🏻環境衛生企理，空間感大且夠光猛。酒櫃可見提供各款酒類包括清酒、啤酒、紅酒、白酒同香檳，加上現場氣氛熱鬧，好有日本居酒屋感覺，最適合同朋友聚餐碰碰杯🍻鹽焗日本銀杏（時令）啱啱結果兩三個月，可謂最好當造。第一次食銀杏，亦即係我哋平時叫嘅「白果」，比我想像中好食😋質感軟糯且十分可口，絕對係下酒良伴🍺辣汁魔鬼魚有兩大舊，骨肉可輕易分離👍🏻肉質細膩，富有彈性。師傅喺調味方面毫無手軟，包括蔥、蒜、辣椒同特製辣汁🌶️重口味得嚟又唔會有搶味嘅情況出現，辣辣哋越食越上癮！