Playa de Papagayo (Closed)

Playa de Papagayo係K11附近一間人氣酒吧餐廳，成日行過都好多人喺度飲酒食野，之前我都黎過兩次，今次時間早同朋友行過見唔多人又黎幫趁。Grape Flip($58) - 哩杯係由紅桑子、提子同鮮奶溝成嘅Mocktail，上面再加埋青蘋果粒，飲落酸酸甜甜咁都幾好飲。輕煎西班牙火腿吞拿魚卷及溫泉蛋($78) - 吞拿魚好大舊厚切，外面用西班牙火腿包住再輕煎，肉質幾嫩滑，食落帶少少鹹香，蘸埋蛋汁食味道都唔錯。焗西班牙蛋餅($78) - 蛋餅比想像中大份，切開蛋餅，見倒中間釀左薯仔同火腿喺入面，蛋餅唔會太老，仲有少少蛋汁，因為加左火腿，所以食落多左啲鹹香味，飽肚又好味。慢煮鮮鮑魚海鮮薄餅($168) - 薄餅直徑大約有9吋，屬於薄餅底，上面鋪滿左好多海鮮，好似鮑魚、帶子、魷魚、青口等等，非常足料。有別於一般薄餅上面搽左番茄醬，哩個薄餅係用左千先醬，所以食落會有少少甜味，都幾特別。藍莓意大利雪糕脆餅($65) - 兩塊脆餅中間夾住藍莓雪糕，雪糕雪得夠凍可以好似食三文治咁夾住食，上面放左藍莓同士多啤梨再淋左藍莓醬喺上面，賣相幾靚幾吸引。總結，黎過幾次野食都keep倒水準，Tapas