新竹園軒

Open Now

Now Closed

約左屋企人一齊黎食係尖沙咀嘅新竹園軒，聽講好抵又好美味😋，特别過嚟同婆婆試試佢😎🔰流沙奶黃包🔰十分流心💛係我由細到大最鍾意食嘅流沙奶黃包，婆婆一見到有即刻點俾我食，好窩心呀，每一啖都係愛！入邊啲餡流出嚟嘅時候，仲見到有煙㗎！但係食落又唔會辣親嘴，超好味。🔰 凍藥膳鳳爪 🔰十分美味❤️雞外皮軟熟，充滿雞既鮮味，充滿骨膠原滑溜無比，連埋藥膳既香氣，養生又好味。🔰話梅凍豬手🔰十分滋味💜 婆婆至愛豬手。婆婆都算新潮唔怕食凍野，佢話好味嘅嘢唔可以錯過！係充滿骨膠原既豬手！外皮軟嫩，內部多汁。話梅調味帶有微微嘅酸甜味。咬落去時，酸甜味同豬肉鮮美相互融合，不但口感出色，而且香氣四溢，婆婆話絕對值回票價。🔰 香煎蘿蔔糕🔰十分香口🧡份量十足，香香既蘿蔔糕味，配上餐廳既辣椒醬，不能停手！婆婆大愛！煎到香口金黃，外脆內嫩，令人再三回味。婆婆要求要訂位家族飯再食，環境闊落，枱與枱之間有足夠嘅空間，食物又好味，好期待再嚟！🙌🏻