八時神仙草 (歌賦街)

Open Now

Now Closed

天氣好熱好想食凍野，上星期就行咗去上環食仙草，佢地嘅仙草同雪花仙草冰都好受歡迎，最近仲新出香港限定嘅甜品，值得一試。抹茶焙茶奶蓋雪花盛盤 (小) $98賣相好靚，同朋友share啱晒。٩(˃̶͈̀௰˂̶͈́)و 除咗抹茶仲有芋泥味。上面有一大球抹茶雪糕，抹茶味濃而不甘。下層就係焙茶奶蓋雪花仙草冰，佢地嘅仙草冰係用一塊嫩仙草整成嘅冰磚再刨成雪花冰，食到仙草絲，好特別。盛盤就有芋圓、地瓜圓、白珍珠、紅豆同紫米，可以同雪花冰一齊食。😋芒果甘露盛盤 $58香港限定嘅芒果系列，芒果甘露有啲似楊枝甘露，入面嘅芒果香甜濃郁，酸酸甜甜好消暑。另外盛盤都有芋圓、地瓜圓等。仙草芋泥牛奶冰沙 $45芋泥好濃稠，口感豐富，仲有好多仙草喺入面，好飲。