春水堂人文茶館 (創紀之城五期(apm))

Open Now

Now Closed

呢間餐廳成日大排長龍，究竟有咩好食呢？首先叫咗杯朱古力珍珠奶茶，賣相十分之吸引！亦都比普通嘅珍珠奶茶創新一啲，所以叫咗杯嚟試吓。杯朱古力珍珠奶茶來到嘅時候，個賣相同餐牌完全一樣，仲好靚添，打卡簡直一流！嘢飲入邊又有珍珠、又有奶茶、又有朱古力碎、仲有兩塊餅，口感同層次一流，珍珠比較多，所以其實飲完你杯嘢好飽好Heavy，不過好好味😋絕對冇後悔叫咗佢！另外叫咗個禦品三寶牛肉麵，入面有牛肚牛腩牛筋，三樣嘢都煮得夠淋身，而且加咗濃郁嘅湯底，所以超級入味，但係個價錢就比較高，食個麵加杯嘢飲已經要$150，值得一試嘅，不過未至於要大排長龍。