黑布小巷

Open Now

Now Closed

荔枝角人氣台式小店進駐旺角廣華街巷仔，主打多款台灣小食，如招牌吐司、芝士拉絲蛋餅，還原台灣早餐味道，另有便當、牛肉麵、甜品同飲品。店內亦有賣堅果、手工黑糖磚同黑糖蜜，有興趣嘅朋友仔可以試試，環境頗細，晚上到訪需排隊等候，木系色調，感覺溫馨。私心推介手工滷肉慢煮豬頸肉便當，即叫即整需要等候一段時間，豬頸肉超級大塊，整塊食都係第一次，煮至入味，肉質嫩，啖啖肉好滋味。旁邊有酸菜、滷肉、粉絲、滷水蛋等配料，滷肉偏肥入口即化，夾埋飯食啱啱好。值得一提嘅係飯比想像中多建議兩個人share再叫小食。招牌菜有慢烤雞腿芝士蛋吐司，麵包烘過外脆內軟熟，夾住蛋、芝士同鹹香嫩滑嘅雞腿，已切好一半方便食用又可以打卡。另外大推蛋餅，咬落煙煙韌韌仲要有真嘅蛋包住，口味方面個人最鍾意芝士吞拿魚粟米，甜甜地小朋友一定啱，芝士火腿肉鬆都唔錯，鹹鹹香香層次口感豐富。