Video
Read full review
2017-06-18
1886 views
之前喺韓國食過吉列牛，當時覺得中規中矩，但價錢唔貴，二人午餐大約係百零蚊位。香港已經開左好幾間吉列牛專門店，元朗、荃灣、太子都有，週五晚收工喺公司附近嘅琥酌晚飯。餐廳近旺角警署，日式裝潢，普通木枱木櫈，另有吧枱、少量卡位。枱與枱間唔算好逼狹，但二人枱面積偏細，真係僅僅好夠放得落兩個餐兩杯熱茶，冇多餘空間。未到晚飯時間，客人未算好多，吉列熱潮消退一點，但店員都有提醒，因為之後預約較滿，一小時左右就要交枱，想食最好先行預約。晚市和式牛吉列御膳共三款，分別係極上牛吉列御膳(日本A5黑毛和牛肩胛芯)、霜降牛吉列御膳(和牛肩胛肉眼)、牛吉列御膳(美國安格斯肉眼)，定價$498/398/188，豐儉尤人。另有幾款小食供應，例如安格斯牛他他燒、沙律、玉子燒、蟹蓋等。牛吉列御膳 $188/份 (美國安格斯肉眼)你問我我就唔太捨得用4、5百蚊喺香港食和牛，今次第一次食，點最基本嘅美國安格斯肉眼吉列餐。點餐不久，店員就送上食物、石爐，並輕輕介紹烤牛方法、醬汁等資料，對餐廳產品起碼係好熟悉套餐包括吉列牛、椰菜絲沙律、龍蝦薯仔沙律、溫泉玉子、漬物、味噌湯、日本米飯，感覺都幾豐富。椰菜絲份量唔多，冇乜感覺；漬物
餐廳近旺角警署，日式裝潢，普通木枱木櫈，另有吧枱、少量卡位。
枱與枱間唔算好逼狹，但二人枱面積偏細，真係僅僅好夠放得落兩個餐兩杯熱茶，冇多餘空間。
未到晚飯時間，客人未算好多，吉列熱潮消退一點，但店員都有提醒，因為之後預約較滿，一小時左右就要交枱，想食最好先行預約。
晚市和式牛吉列御膳共三款，分別係極上牛吉列御膳(日本A5黑毛和牛肩胛芯)、霜降牛吉列御膳(和牛肩胛肉眼)、牛吉列御膳(美國安格斯肉眼)，定價$498/398/188，豐儉尤人。
另有幾款小食供應，例如安格斯牛他他燒、沙律、玉子燒、蟹蓋等。
牛吉列御膳 $188/份 (美國安格斯肉眼)
你問我我就唔太捨得用4、5百蚊喺香港食和牛，今次第一次食，點最基本嘅美國安格斯肉眼吉列餐。
點餐不久，店員就送上食物、石爐，並輕輕介紹烤牛方法、醬汁等資料，對餐廳產品起碼係好熟悉
套餐包括吉列牛、椰菜絲沙律、龍蝦薯仔沙律、溫泉玉子、漬物、味噌湯、日本米飯，感覺都幾豐富。
牛吉列御膳
$188
28 views
0 likes
0 comments
椰菜絲份量唔多，冇乜感覺；漬物用上菇菌，味道清淡；味噌湯唔係好夠熱。
溫泉玉子可以單吃或拌飯食，滑溜；龍蝦薯仔沙律搓成球狀，薯仔味道突出，龍蝦肉少少地食到一粒，幾爽口
龍蝦薯仔沙律
24 views
0 likes
0 comments
烤爐幾乾淨，火力足夠烤肉。
牛肉份量適中，大約十薄片，唔會話太細塊，一個餐夠食
以一層吉列包裹，外面香脆肉嫩，店員有建議烤肉時間，不過都係參考而已，實戰按個人喜好生熟啦。
牛肉紋理清晰，望落鮮紅，輕輕烤幾秒食得。
牛吉列御膳
$188
27 views
0 likes
0 comments
牛味唔算好重，肉質咬落嫩腍冇筋，而且配上多款調料，燒汁、芥茉沙律醬、柚子醋、岩鹽、柚子胡椒、芥茉，帶出唔同感覺。
個人認為以岩鹽、柚子胡椒最配合，提升味道
烤肉配飯食係最佳配搭，用上日本米，飯粒較硬。
呢次吉列牛體驗感覺比韓國食嗰次好少少，主要係醬汁差異，唔會覺得好dry，價錢唔貴，可以一試。
之後希望抽到時間試埋其餘幾間吉列牛啦。
餐牌：
Post
