臺坊 (加拿分道) (Closed)

黎尖沙咀拎貨，送便食下野，行過見有間叫臺坊嘅小店，天氣咁熱飲杯珍奶都好喎。睇下餐牌先，有飯有麵同小食等，選擇唔算好多但有幾樣野都想食，唔…叫咩好呢。到收銀位落單，先付款再揀位坐。叫左一個伴麵同一杯飲品，本來想加多份小食但又怕食唔晒。叫左呢樣鹽酥雞肉操拌麵，賣相都唔錯喎。鹽酥雞有五件，炸得酥脆香口。麵條有咬口，撈左肉操鹹鹹地幾好味，不過食到尾凍左都幾油嘅，襯熱食啦。飲品點左黑糖仙草凍，見個個食客入黎都係叫呢杯喎。黑糖幾香，份量啱啱好唔過甜，仙草滑口，天氣咁熱真係消暑良品。小店坐位不多，下午時段都好有人氣要等位㗎，快快食完讓番張枱出黎。