Video
Read full review
2024-07-10
5235 views
短時間內幫襯咗兩次嘅餐廳，最近做緊獨角獸主題，裝修好靚充滿少女心，大量嘅乾花佈置，加埋餐廳每張檯都擺咗大大小小嘅Bear Bear熊，就算係男士見到都回復一點童真🥰餐廳係pet friendly, 好多人帶貓貓同狗狗嚟，近門口有啲落地窗口位好chill, 好啱一邊食嘢一邊同寵物影相，好多小朋友一嚟就要坐果啲位😅漢堡扒全日早餐 $148份量非常之豐富足料，有丹麥多士，牛油果，煙肉，雜菌，煙三文魚，太陽蛋，漢堡扒，沙律菜等，兩個女仔share都夠食，多士外脆內軟，點佢配嘅蜜糖好好味，個漢堡扒本身比較生，同侍應反映，佢哋都好樂意更換，再上檯嘅漢堡扒煎得幾香口，配埋牛肉蕃茄醬更加惹味。粉紅吞拿魚貓耳朵粉 $128成碟粉紅色上檯，賣相好靚😍配咗雜菌底，吞拿魚煎咗外層再切開，但肉質偏乾，可能有少少overcooked，貓耳朵粉 煙韌有咬口，索埋個汁好creamy，味道唔錯。芝士雞翼 $52一份有三隻，中間部分已去骨，淨係雞翼尖嗰部分先有骨，雞皮非常香口脆皮，芝士溶入雞翼，咬落去好juicy爆汁😍甜蜜芋泥獨角獸梳乎厘 $158既然佢最近主題係獨角獸，就試吓依個梳乎厘，落單時侍應有提過材料問題整唔到m
短時間內幫襯咗兩次嘅餐廳，最近做緊獨角獸主題，裝修好靚充滿少女心，大量嘅乾花佈置，加埋餐廳每張檯都擺咗大大小小嘅Bear Bear熊，就算係男士見到都回復一點童真🥰餐廳係pet friendly, 好多人帶貓貓同狗狗嚟，近門口有啲落地窗口位好chill, 好啱一邊食嘢一邊同寵物影相，好多小朋友一嚟就要坐果啲位😅
漢堡扒全日早餐 $148
份量非常之豐富足料，有丹麥多士，牛油果，煙肉，雜菌，煙三文魚，太陽蛋，漢堡扒，沙律菜等，兩個女仔share都夠食，多士外脆內軟，點佢配嘅蜜糖好好味，個漢堡扒本身比較生，同侍應反映，佢哋都好樂意更換，再上檯嘅漢堡扒煎得幾香口，配埋牛肉蕃茄醬更加惹味。
粉紅吞拿魚貓耳朵粉 $128
成碟粉紅色上檯，賣相好靚😍配咗雜菌底，吞拿魚煎咗外層再切開，但肉質偏乾，可能有少少overcooked，貓耳朵粉 煙韌有咬口，索埋個汁好creamy，味道唔錯。
芝士雞翼 $52
一份有三隻，中間部分已去骨，淨係雞翼尖嗰部分先有骨，雞皮非常香口脆皮，芝士溶入雞翼，咬落去好juicy爆汁😍
甜蜜芋泥獨角獸梳乎厘 $158
既然佢最近主題係獨角獸，就試吓依個梳乎厘，落單時侍應有提過材料問題整唔到menu咁靚嘅造型，唔緊要都試吓啦，上檯感覺好夢幻，有紫色嘅cream舖滿三塊好香蛋味嘅pancake, 配紫薯味忌廉塔，上面仲好多彩虹糖，伴碟有Q彈嘅白色糖霜mochi，同沾咗糖水嘅芋頭粒，整體係合格以上嘅甜品。
Godiva朱古力酒咖啡 $68/$58
唔知點解隔左唔夠一個月再幫襯會平咗十蚊😂，飲品面層有朱古力碎，咖啡粉，另外仲有一塊白朱古力，建議搞勻咗先飲會香滑好多，否則只飲到酒味。
侍應生好年青，但服務好好，有問必答，對於佢哋嘅會籍問題亦樂於解答，如果再有其他主題都會想再幫襯😅
評分：最高為5分
治癒度：👩⚕️👩⚕️👩⚕️👩⚕️👩⚕️
抵食度：💉💉💉
翻兜指數：🩺🩺🩺
PHI Coffee & Pancake (MegaBox)
九龍灣宏照道38號企業廣場5期MegaBox 5樓3-4及9號舖
#healingbobo #foodie #hkfoodie #foodiehk #香港 #美食 #KowloonBay #Megabox #九龍灣 #Bear #Coffee #Pancake #主題餐廳 #PHI
Post
