黑木亭居酒屋 (金馬倫道)

本身都嚟過呢間居酒屋幾次，今次就揀咗喺Weekday夜晚放工之後去食，位置就喺尖沙咀金馬倫道，距離地鐵站大概5分鐘，非常方便。一開始六點入座嘅時候成間居酒屋接近冇人，但過咗一個鐘頭到就開始多人，最後接近8:00嘅時候入座率都有接近八成，以平日夜晚嚟講繁忙。今次就嗌咗一個磯燒鮑魚六點刺身盛，一個牛肉鍋，海膽帶子青瓜卷同埋甲羅燒。上菜速度唔錯，食物嘅質素就保持一如以往高嘅水準，令人相當滿意。有啲侍應會有啲性格，環境衛生都有改善空間，不過整體嚟講環境都尚算滿意。兩個人最後食咗$1100 ，唔係平，但以食物水準嚟講，呢個價錢都可以接受。