東喜茶 (Closed)

想試左東喜茶好耐，唔理佢係唔係抄大陸好定正版翻版好，最飲最緊要。咁岩最近經過觀塘，人又唔算多，就膽粗粗買杯飲下。芝士奶蓋係出名，不過見臨食晚飯就揀杯無咁漏既—布蕾珍珠奶茶。一飲落去當然先係珍珠，算有咬口，同連鎖既都差唔遠，不過珍珠份量少，啜兩啜就無曬。之後到個奶茶，奶都係奶精開既，無咩特別；茶又唔係好有茶味，如果你賣$30杯我相信可以做得更好。咦，個布蕾呢，最後一啖先飲到，原來沉曬底，已經係熱飲同攪勻左都唔溶係奶茶入面既，怪怪地。呢杯我真係唔推介，下次試下佢既名物芝士奶蓋啦。