雲壽司 (Closed)

雲壽司竟然開左新店係太子😍😍太正啦 ，呢間壽司我成日幫襯銅鑼灣同中環，但始終唔係港島人，成日都就唔岩時間😢😢今日經過太子見到佢開左分店勁開心😋😋.而家仲有埋會員apps, 首次下載Apps可享全單9折，岩晒我😆😆.🍴自選壽司12件$198次次都會點佢呢個自選壽司🍣好鬼抵食，雖然自選壽司未係可以擇最貴既壽司，但除返真係大約$16/件好抵食，仲有帆立貝、深海池魚、真鯛、油甘魚、左口魚邊… 呢度壽司好高質，全部壽司都係即叫即製，呢個價錢已經做到好似omakase既feel咁。壽司方面舊飯係偏細，醋味剛剛好，深海池魚好香又唔腥，吞拿魚赤身都入口即溶好鬼正，軍艦都好令人驚喜，紫菜脆到爽聲。午市食仲有麵豉湯同沙律送。.🍴特上壽司拼盤$250特上壽司拼盤有10件，包括吞拿魚腩、深海池魚、牡丹蝦、赤貝、海膽、三文魚子、火炙左口魚邊、鯖魚、魴鮄、蔥吞拿魚腩。特上壽司食落肉質爽厚、味道更鮮甜，令人再三回味，口感較豐腴，鮮甜厚實。呢個特上壽司拼盤性價比更高👍🏻.最近出左個新既會員制，$1000會藉就有金會員，仲可以每次食有7折，幾抵買☑️