LA FAMILLE

Open Now

Now Closed

今日經過人來人往嘅朗豪坊， 喺地鐵出口嗰層有好多cake shop, 晚上屋企人聚會有人生日，順道買件靚靚嘅蛋糕分享吓充滿節日氣氛。 最接近地鐵出口有间人氣戚風蛋糕店， 聽講係全人手製造。 每款都小巧精緻， 睇見都唔捨得食。戚風蛋糕有多款限定店嘅獨特口味， 每個都有精巧嘅玻璃罩罩著， 保持新鮮。屋企人勁鍾意朱古力， 所以揀咗個，"雙重朱古力"。 不過當然唔夠揀多個 "桃香紅茶"。 店員小心盛載， 如果同時放兩個要用膠紙穩固定 在一個盒裏面， 並會附上紙袋。報告一下，兩個蛋糕去到人哋屋企完整無缺, 鬆一口氣!雙重朱古力 $54 戚風蛋糕質地鬆軟棉密， 切開裏面有一層朱古力餡，質地軟滑， 散發出唔同層次嘅朱古力香味， 蛋糕嘅核心有一層朱古力脆米， 口感豐富。 整體感覺朱古力味濃厚。桃香紅茶$50欣賞佢嘅紅茶味， 蛋糕好鬆軟輕柔 ， 配合中間帶甜嘅cream 啱啱好。 還有表面嘅桃肉，充滿果香。配一杯咖啡真係雙重享受。