芯 (Closed)

我平時經常行銅鑼灣，但銅鑼灣廣場就真係比較少行🤣 今日專誠過嚟呢間日式居酒屋，喺社交平台成日見到佢嘅金箔和牛！實在太吸引啦😳 忍唔住要過嚟食🙊餐廳位於銅鑼灣廣場一期二樓，面積唔算好大，但都算坐得舒服，唔會坐到好逼。佢哋呢度除咗主打M6-7和牛西冷，大阪燒同鰻魚壽司都係推薦菜式👨🏻‍🍳❤️ M6-7 和牛西冷 $238嚟到點可以唔叫呢道招牌菜💕 金箔和牛真係好啱打卡！📸 大大塊金箔鋪喺西冷上面，即刻覺得好奢華😂 西冷叫咗七成熟，未去到入口即溶，但牛味濃而且脂肪比例勻稱，有咬口！一個人KO哂成碟都唔會覺得太過油膩😜 ❤️ 花魚一夜乾 $76唔知有無人同我一樣好鍾意食一夜乾呢🤔 每次食日本嘢都會叫一夜乾食🤭花魚一夜乾一上枱已經好香，魚香撲鼻！聞到都流哂口水🤤 外皮脆脆哋，肉質保持到鮮嫩。蘸上海鹽更加鹹香滋味👌🏻花魚比較多幼細嘅骨，食起上嚟要小心！❤️ 雞皮 $19 & 大蔥雞腿肉 $22叫咗兩串雞皮同一串大蔥雞腿肉試吓呢度嘅串燒水準👀 雞皮係原塊雞皮，成塊咁食好薄好脆，脆到好似食緊薯片咁，滿滿嘅雞油香🐔大蔥雞腿肉係以鐵板燒方式去煎，所以唔會燒到好乾，雞肉依然有肉汁唔嚡🙊❤️ 林檎蘋果汁 $23凍冰冰