PHI Coffee & Pancake (太古城道)

Open Now

Now Closed

好耐無去太古城，知道人氣甜品café PHI COFFEE & PANCAKE喺太古城開左分店，今日專誠去潮聖，順便行吓商場，去到門口已經見到小小人龍在排隊，好彩只等左10分鐘左右就有位。今日主打要食pancake，所以食物就主要點啲輕食，咁先可以有位食埋我最愛既梳乎厘pancake。主食叫在兩款，煙肉炒蛋牛角包同煙三文魚南瓜沙律。炒蛋香滑、牛角包鬆軟，沙律有煙三文魚、南瓜、南瓜仁、車厘茄，非常新鮮。我心目中既主菜 : 黃金比例 - 原味梳乎厘。梳乎厘口感香軟濃厚，入口非常幼滑，我最鍾意食原味，簡簡單單配上忌廉同糖漿，已經非常好味。黎呢度除左食pancake外，咖啡都係另一必叫系列，今日就叫左2杯特色咖啡，焦糖脆脆鮮奶咖啡同伯爵茶鮮奶咖啡，2杯既味道都好獨特，尤其係伯爵茶鮮奶咖啡，啖啖都有伯爵茶茶香，值得推介。