食包 (Closed)

今次同朋友去咗太子同埋旺角度行街，咁啱俾我哋見到依間好搶眼既漢堡包店，於是決定今日晏晝食美式漢堡包餐啦😛👍🏻餐廳裝修好搶眼，而且位於巴士站附近，而家疫情可以買完外賣直接搭巴士返屋企食，都仲係熱辣辣㗎😁 而且餐廳好多位置可以打卡，仲有姜濤嘅紙牌，各位薑粉唔可以錯過啊💗嘢食方面都好足料同埋高質，我哋就聽廚師講，叫咗一個新出嘅韓式辣醬漢堡😛果然勁高質！估唔到韓式辣醬同埋漢堡包嘅味道係咁夾，甜甜辣辣咁，而且餡料係蝦寶，香脆之餘裏便仲食到一粒粒嘅蝦肉，超級足料另外叫咗一個牛肉漢堡，都係勁高質，牛肉味道超級鮮嫩，基本上唔會食到有「渣」，味道勁香😆👍🏻跟餐仲可以加錢配洋蔥圈同埋雞翼，另外仲送兩支嘢飲添🍟