金鶴拉麵 (閩街)

Open Now

Now Closed

🍂天氣轉涼，想食熱野暖下胃 。經過金鶴拉麵 竟然唔洗排隊，即刻捉左朋友入去食。餐廳座位唔多，大約十餘個，日式裝潢，當晚我地坐bar抬，座位舒服，環境氣氛都唔錯。🐔🍜極濃雞白湯 $138極濃雞湯用八小時熬製而成奶白色，味道濃郁順口。旁邊既牛蒡炸到金黃色好酥脆。慢煮雞肉唔會乾韌、䐁肉叉燒軟軟嫰嫰、溏心蛋入味，配料同樣出色。最後忍唔住飲哂啲湯，滿滿既骨膠原。🦀北海道蟹湯拉麵 $138同樣都係呈奶白色既蟹湯，入口充滿濃郁既鮮味，口感幼滑。蟹肉一絲絲，味道鮮甜，份量都幾多，蟹迷要試。拉麵有啲粗度，軟硬恰好，彈牙爽口而且掛湯。