轉角 (Closed)

難得去到屯門唔想食連鎖店，屯門嘅朋友就推薦呢間人氣cafe，就算晏晝都多人要等好耐位，等咗半個幾鐘終於到我哋 order野食。滑蛋蒲燒鰻魚飯鰻魚好大條，味道正常，個蛋炒都好滑，達到左水準，但唔算特別出色，望落份量以為好細但都食到好飽。All day breakfast有車打芝士腸，薯餅，炒蘑菇，煙肉，沙律，奶油吐司。冇諗過最出色係佢嘅奶油吐司，望落去平平無奇，但佢嘅外層係超級脆同埋甜甜地，應該係落過砂糖再烤，唔係出邊一般嘅吐司咁。一定要試吓！