喰楽

Open Now

Now Closed

今次同朋友嚟到呢間日式壽喜燒專門店 —「喰楽」😋😋餐廳主打關西風壽喜燒，由店員即場烹調🧑🏻‍🍳，坐定定就食得～～晚市有三個套餐選擇，我地叫咗「日本赤身和牛」同「日本霜降和牛」試試❤️❤️🐂日本赤身和牛 $468/位✨​🐂日本霜降和牛 $498/位✨​-套餐包括前菜、壽喜燒、野菜拼盤、特色飯點同甜品，十分豐富～～當日前菜有赤蝦刺身沙律、汁煮牛肉大根同茶碗蒸，味道都唔錯🤤🤤我就最鍾意「赤蝦刺身沙律🥗」，鮮甜赤蝦刺身配上爽脆冰菜，食完好開胃！！食完前菜就到壽喜燒，店員會喺枱前即場烹調同介紹返每款牛的部位～～日本赤身和牛脂肪含量較少，牛味濃郁🐮！日本霜降和牛肉質軟綿幼嫩，油脂香豐富🔥🔥蔬菜拼盤有冬菇、娃娃菜、蓮藕、芋絲同大蔥等，同牛肉一齊食可以減低油膩感～～食到差唔多後店員就會煮雜炊飯🥘，材料有牛肉粒、紫菜、雞蛋等～配上香濃的壽喜燒汁，好滋味👍🏻👍🏻最後有火炙豆腐雪糕🍨做甜品，雪糕口感幼滑，豆腐味超濃郁！今餐好滿足呢🥰🥰