宏 (Moved) New Location

難得早放工又係Happy Friday，當然要搵舊同事兼院友食餐勁既，上openrice見呢間餐廳咁出名，係The one入面，係我地公司中間位置，行路去10min度，又近MTR，所以就決定一試。呢杯蘋果汁顏色同一般係超市買既有d吾同，味道都係，少甜微酸，啖啖都有蘋果香，而且仲無加冰。焙茶奶有奶泡，夠香滑，吾錯。呢個飯麵甜品餐真係好豐富，份量足，味道83.66分，特別係個牛肉汁，好味到可以就咁當湯飲。呢度應該無加味精，食完都吾會感到特別口渴。院友同事叫個set仲勁，有成3樣主食，加埋沙律，有成4碗野，食材夠新鮮，又豐富，開心度大增。跟餐仲有每人一舊卷蛋仔。原本黎度最正係雪糕，院友同事係咁讚呢杯芭菲好正，話正在佢配料豐富，佢底層既粟米片有焦糖味，大大提升左口感同味覺既層次感。我果杯同佢果杯類似，主要係果軟雪糕變左普通雪糕。賣相比佢果杯仲靚，騙like一流。Menu圖文並茂，d set又包好多野食，侍應仲會細心推介，有選擇困難症都無有怕。