13 Thirteen

Open Now

Now Closed

星期四特登黎到13 Thirteen新搬遷既地址早餐返公司食。總共買咗四樣野食，分幾日食。豬柳Pancake Mac $40最近大熱嘅pancake burger呢度都有得食，雖然塊pancake唔算厚身，但勝在好多層，一層pancake，一層豬柳，仲有加芝士同煎蛋，個口無咁大都食唔晒一啖。味道做到鹹甜效果，勝在唔會過甜，又唔會過鹹，平衡得好好。黑松露蘑菇炒蛋治 $40餡料非常厚身，落左好多蘑菇同雞蛋一齊炒，加咗少少洋蔥粒，多左口感，好飽肚。煙煙芝蛋堡 $36塊包好軟熟，夾住好香口既煙肉同煎蛋、芝士，呢個組合無得輸，好食。牛油果醬雞胸帕尼尼 $58呢個係一個健康包，入面有沙律菜、牛油果醬、雞胸，雞胸嫩滑，牛油果醬好惹味，成個包食落一啲都唔寡。