The Grill Room (The L. Square) (Moved) New Location

樓上西餐廳越來越多，今次來到銅鑼灣鬧市之中一間人氣旺場的西餐廳。一出lift就係餐廳啦。一眼望晒，空間好大，座位整齊排列。近窗邊梳化椅子可以通過玻璃窗望到室外街景。左邊係酒巴飲品食品出處。乾淨利落。另一邊係高腳枱，啱晒厚生仔女坐喺度飲下酒吹下水。香草牛油燒珍寶大蝦配青蘋果沙律＄168第一感覺便是好大份，材料好足夠。沙律菜新鮮清甜，青蘋果醋令到味道酸酸甜甜好開胃，大蝦好大隻，好香口。蒜蓉牛油烤蔬菜$48蔬菜方面提供左椰菜花同西蘭花，蒜蓉和牛油味好夾，椰菜花同西蘭花熟度啱啱好，好爽口，而且擺到好靚，好似一朵花咁。燒安格斯肉眼扒配黑松露薯蓉＄338呢個餐真係好豐富，而且件牛扒好大塊。大過一個大巴掌。我哋要求煎至5成熟感覺吾鞋口，切開仲有少少血水先嫩滑。薯蓉有黑松露獨有嘅香味，口感好綿密，入口順滑即溶。另加$58有兩只大虎蝦，好抵呀，一定要加，吾好蝕抵。法式椰奶凍配芒果汁＄88因為顧住影相，所以雪糕有少少熔左。但無影響食慾。奶凍好棉密好香口又順滑。芒果汁少少酸甜味又好夾好正。