漁場台風

Open Now

Now Closed

今日特登出黎食沾麵💛排左大概半個鐘，排到一半店員會俾紙落單。天氣熱，店員仲會主動派水俾等位既客，加分加分魚介豚骨沾麵 $83 + 半熟蛋 $15佢標榜麵量係平時其他鋪既1.5倍，我驚食唔哂所以揀左少麵。一黎先試左湯底，好夠熱，好濃既魚介香～再試埋麵，食到麵粉香，有咬口。原來叉燒係切粒，同筍一樣跟湯上，叉燒偏瘦同硬，而筍就唔錯，脆得黎又食到筍香。半熟蛋就咸左啲啲。沾麵汁始終相對濃味，加啲檸檬汁落個麵度食落會清爽啲，不過鐘意重口味既我食到一半就加左啲蒜蓉。食哂個麵再加清湯飲，好飽都忍唔住飲左大半碗。