1988 (Closed)

之前去夜晚特登去想食，點知無book枱無得食，今次約左朋友食晏，一早book左枱，12點上到去，已經坐左幾枱人，之後好快就坐滿左，真係好受歡迎。環境好舒服，有種休閒嘅感覺。午市套餐包飲杯，梳打系列都包，仲有優惠。海南雞飯配西柚茶雞肉有好多舊，而且都好瘦，平時唔敢食雞皮，今次忍唔住連皮都食埋，醬汁酸酸地辣辣地，好開胃。西柚茶第一次飲，有小小酸味，好大西柚味，幾好飲。泰式燒豬頸肉飯配檸檬茶豬頸肉燒到好香，而且有肉汁唔乾身，配上醬汁有少少辣，但食落更惹味。平均每人$72，唔需要加一，位置方便，環境亦舒服，食物份量都夠。