河內越式料理

Open Now

Now Closed

是晚約了朋友食飯，來到河內食越南菜，店內坐無虛席，熱鬧非凡。坐了一張二人枱，店員好快送上餐牌，睇緊餐牌個陣，朋友好順手去櫃頭斟兩杯茶，原來係班蘭茶，仲好濃好好飲添喎。⭐河內特色綜合河粉朋友話好肚餓食個大碗麵，開頭想叫火車頭，但個碗係二人份量喎😆咁就試綜合河粉，貪佢有勁多餸😆有生牛肉、牛腩、雞絲、扎肉、香葉卷，湯頭鮮甜，加埋青檸汁、小辣椒更惹味。⭐越式春卷撈檬天氣咁熱食返個凍撈檬先，餸就揀咗要越式春捲，大大條包春卷住雜菜、肉碎同芋頭等，香脆有咬口，撈檬加上魚露酸酸甜甜解暑又好食😋⭐越式炸蝦餅朋友至愛炸蝦餅，鍾意佢香口又彈牙。⭐香茅牛肉三文治成日想食越式法包但唔係間間都有，見河內有呢個香茅牛肉味就叫一份試下，肥牛嫩滑好重香茅味，仲夾咗生菜、青瓜等夠清爽，最正係上面加埋芫茜、炸蒜、芝麻等更添香味😍⭐羅望子冰 & 鹹檸七跟餐叫特飲都係加十蚊，咁就梗係要叫特飲啦，叫咗一個羅望子冰同鹹檸七，前者酸酸地味道有啲似話梅😆而鹹檸七個鹹檸真係好夠鹹味，哈哈。餐廳原來冇加一，食咁多嘢都係二百幾蚊又幾抵食喎。