Read full review
2023-03-10
201 views
小店位於紅磡,主打日、泰、西、川、新、台、港式風味嘅串燒同小食,價錢合理,環境乾淨,座位之間亦有距離,呢間分店相對嚟計就比較細,而且長期滿客,想食嘅要預先book定啦~ 前菜/小食叫咗最常見嘅味淋魚干、鹽煮枝豆同唐揚池魚仔,另外仲有桂花蜜糖本地冷番茄,原個上,味道酸甜又開胃,忍唔住encore咗幾次🤣 「得意作」有焦糖鰻魚芝士玉子燒、泰式腐皮餃子同明太子燒厚揚豆腐,三款都各有特色,果然對得住個名,我哋一致認為唔可以唔食🥰肉類方面主要係燒鳥/牛/羊/鴨/豚,款式多到數唔晒,下次真係要約一大班人先至可以樣樣試啲🫣 今次要咗福岡味增松阪豬、牛油果豚肉卷、海苔黑豚肉鵪鶉蛋、鹽燒豚肉荔枝卷、鹽燒豚肉露筍卷、孜然豚肉莞茜卷!個人最喜歡汁燒免治雞肉軟骨釀冬菇、汁燒煙韌年糕卷同孜然豚肉韭菜花卷,冬菇大大嚿,咬落juicy,釀埋嫩滑嘅雞肉都幾match、年糕煙靭Q彈,口感豐富、豚肉油脂感豐富,而韭菜可以中和返個油膩感🙈海鮮類都有幾多選擇,必點黃花魚一夜乾,上枱時熱辣辣,外皮炸至香脆,入口滑溜,十分推介!鹽燒白鱔同多春魚都好正,前者肉質鮮嫩有彈性,而且又無魚骨,後者燒得好靚,咬落啖啖肉、手釣墨魚酥就正常發
16 views
0 likes
0 comments
前菜/小食叫咗最常見嘅味淋魚干、鹽煮枝豆同唐揚池魚仔,另外仲有桂花蜜糖本地冷番茄,原個上,味道酸甜又開胃,忍唔住encore咗幾次🤣 「得意作」有焦糖鰻魚芝士玉子燒、泰式腐皮餃子同明太子燒厚揚豆腐,三款都各有特色,果然對得住個名,我哋一致認為唔可以唔食🥰
16 views
0 likes
0 comments
肉類方面主要係燒鳥/牛/羊/鴨/豚,款式多到數唔晒,下次真係要約一大班人先至可以樣樣試啲🫣 今次要咗福岡味增松阪豬、牛油果豚肉卷、海苔黑豚肉鵪鶉蛋、鹽燒豚肉荔枝卷、鹽燒豚肉露筍卷、孜然豚肉莞茜卷!個人最喜歡汁燒免治雞肉軟骨釀冬菇、汁燒煙韌年糕卷同孜然豚肉韭菜花卷,冬菇大大嚿,咬落juicy,釀埋嫩滑嘅雞肉都幾match、年糕煙靭Q彈,口感豐富、豚肉油脂感豐富,而韭菜可以中和返個油膩感🙈
11 views
0 likes
0 comments
10 views
0 likes
0 comments
海鮮類都有幾多選擇,必點黃花魚一夜乾,上枱時熱辣辣,外皮炸至香脆,入口滑溜,十分推介!鹽燒白鱔同多春魚都好正,前者肉質鮮嫩有彈性,而且又無魚骨,後者燒得好靚,咬落啖啖肉、手釣墨魚酥就正常發揮,可以一試🤤
9 views
0 likes
0 comments
野菜款式比想像中多,點咗鹽燒玉米筍、翠玉瓜 、秋葵、美國露筍、淮山、萵筍、牛油蜜糖粟米、明太子淮山燒、牛油蒜蓉焗金菇、焗雜菇通同孜然燒蒜蓉茄子🤪 值得一讚嘅係呢度嘅調味鹹度適中,食完都唔會覺得好油或者口渴,唔知係點樣做到㗎呢🤔
9 views
0 likes
0 comments
17 views
0 likes
0 comments
最後介紹埋甜品同特飲,每次去燒烤店到會點黑糖燒菠蘿,又甜又多汁,超級解膩,而且好抵食,一不小心叫咗成六七串😛 同樣大推糖不甩燒湯圓,最愛芝麻口味,外層煙韌,咬落爆餡,係幸福嘅感覺呀~ 飲品做緊優惠,見台台都嗌啤酒買一送一,另外亦有菠蘿青檸/百香果/柚子蜜梳打,甜度適中,而且個杯夠大,飲落都唔錯👍🏻
4 views
0 likes
0 comments
4 views
0 likes
0 comments
15 views
0 likes
0 comments
Post