Video
Read full review
2022-09-22
103 views
Cookie Vission - 大坑網上見到大坑有一間人氣熱賣既曲奇，所以一於去拜訪一下，店舖裝修非常簡單整潔，以綠色同白色做主調，環境幾舒服。其實如果有位置可以買完坐低食同飲杯咖啡都幾唔錯，可以店舖唔大，所以大家都排隊買幾個包/曲奇走，平日下午都大排長龍，好難想像週末條龍會有幾長😂排左大約10分鐘買左一個曲奇一個包試下。Epic Chocolate-$50一個曲奇$50黎講其實相當貴，不過當食落就明白點解。佢屬於一個軟身的曲奇，而且曲奇內非常足料及朱古力味道非常濃烈，曲奇內的朱古力係流心甚至可以用爆漿黎形容，一路食一路走出黎，其實如果呢舊野響街到食都幾論盡，由於佢係偏甜，所以食哂一個都幾膩，不過值得一推Yuzu Hojicha Brioche-$50Yuzu Hojicha Brioche係一個幾大個既包，入面都係充滿流心甚至可以用爆漿黎形容既焙茶餡，另外有一陣陣既柚子香味成個感覺好fresh。底有一層麻薯相當煙靭，成個包口感非常豐富總結，去開大坑值得買返幾個返屋企試下
網上見到大坑有一間人氣熱賣既曲奇，所以一於去拜訪一下，店舖裝修非常簡單整潔，以綠色同白色做主調，環境幾舒服。其實如果有位置可以買完坐低食同飲杯咖啡都幾唔錯，可以店舖唔大，所以大家都排隊買幾個包/曲奇走，平日下午都大排長龍，好難想像週末條龍會有幾長😂排左大約10分鐘買左一個曲奇一個包試下。
Epic Chocolate-$50
一個曲奇$50黎講其實相當貴，不過當食落就明白點解。佢屬於一個軟身的曲奇，而且曲奇內非常足料及朱古力味道非常濃烈，曲奇內的朱古力係流心甚至可以用爆漿黎形容，一路食一路走出黎，其實如果呢舊野響街到食都幾論盡，由於佢係偏甜，所以食哂一個都幾膩，不過值得一推
Yuzu Hojicha Brioche-$50
Yuzu Hojicha Brioche係一個幾大個既包，入面都係充滿流心甚至可以用爆漿黎形容既焙茶餡，另外有一陣陣既柚子香味成個感覺好fresh。底有一層麻薯相當煙靭，成個包口感非常豐富
總結，去開大坑值得買返幾個返屋企試下
Post
