貴緣小鍋米線 (崇潔街) (Closed)

呢間米線店最近成日喺IG見到，呢日就嚟一試究竟😆佢嘅位置都比較隱蔽，位於土瓜灣附近，加太賀嗰條街入面，唔特別搵都唔會知道呢度有一間隱世米線小店🙈麻辣小鍋米線（豬軟骨、滷水大腸、雞絲山、蘿蔔；小小辣）$69呢度最出名嘅配料莫過於豬軟骨同雞絲山，豬軟骨煮到非常之腍，連軟骨部份都煮到腍晒🤤而雞絲山嘅份量果然十分澎湃，雞絲用上雞胸嘅部份，感覺健康啲🐔而豬大腸唔會好多肥膏，食到滷水帶微甜嘅香味，蘿蔔入口冇渣，非常之甜🤓而佢除咗可以揀米線之外，轉紅薯粉都係免費，想食得健康啲仲可以揀轉菜底🥬麻辣小鍋米線（腩肉、豬紅、蘿蔔；小辣）$57朋友嗰碗就揀咗腩肉、豬紅同埋蘿蔔做配料，腩肉唔怕好肥🐷味道同滷水差唔多都係甜甜地，而豬紅就新鮮無異味，小辣嘅麻辣湯底入口首先食到麻香🌶️之後再有辣味滲出嚟，唔太食得辣嘅人就建議揀返小小辣😌孜然涼皮條 $27呢度嘅小食都幾多選擇，我哋亦都嗌咗兩款小食，孜然涼皮條份量都幾多😝涼皮入口非常煙韌，要有返啲牙力慢慢咬🤣但係孜然粉嘅香味夠晒重，所以都幾過癮😎蒜香醬油雞翼 $27呢款雞翼都好有驚喜🤩醬油加入咗大量嘅蒜蓉喺入面，每一啖嘅蒜香味都非常濃郁🧄由於係凍食嘅關係，雞皮質感爽彈，亦