旺囍車仔麵 (Closed)

消失左四個月，全因不停去旅行差不多做左全職旅人。每次旅行除左呀媽靚湯最令人懷念，仲有米線同車仔麵。有睇開都知我係麵怪，所以一返香港即刻食返碗車仔麵。可惜，期望過高 失望收場。上星期去開旺角行街，揀左係朗豪坊附近都幾多人推薦既旺囍。一入去大部分遊客，位置唔多，坐左係對住廚房旁邊既bar枱。望下餐牌，價錢正正常。選擇都多，另外仲有小食加碼。有選擇困難朋友叫返個十全十美唔洗煩 不過價錢同咩仔咩哥米線差好遠。男朋友係好辣之人，叫左秘製辣汁魚片頭 咖哩陳皮魚蛋 油麵 $29 （評分：5/10）魚片頭硬身不彈牙，似乎係現成貨無魚味。另外，咖啡陳皮魚蛋可以食到陳皮香但質地不是爽彈個種係比較實既口感。 主要既湯底，湯太多很淡而辣汁只得非常小我食得比較清，叫左腩汁底不過一樣湯底太淡腩汁太小但多左油菜，唔知點解男朋友個碗無魚皮餃 豬軟骨 米線 $31 （評分6.5/10）魚皮餃正常，應該係打邊鑪食開個牌子 . 豬軟骨夠味但不夠冧。可能食慣天后既慢煮，呢到既仲係爽既。但整體不過不失係偏油