新記車仔麵 (Closed)

今日要OT, 返唔切去屋企食飯！在最近小巴站嗱嗱淋買個車仔麵！外賣要在門口取點餐紙，圈好食物比店員收錢！廚房好快𢳂好比我！「大腸豬紅蘿蔔粗麵」，少辣汁，同佢講要搭車綁實啲都ok!返到屋企打開，好香湯汁味，粗麵浸咗一段時間都無淋，雖然唔算彈牙，大腸好彈牙，無壓味，忟得入味！蘿蔔無筋，幾鮮甜！豬紅好滑，唔會散，無碎濕濕！唔錯！湯底好惹味，因為加了腩汁同辣汁，好濃，但又好咸，食完會好口渴！店員好爽手，車仔麵呢間都幾出名但質素已比之前食普通咗！如果唔係趕時間唔會揀呢度！